جيتك يا لبحر باش تصبرني

 

عبد الهادي  قسنطينة ..بقلم ع/الهادي موضوع جديد  19:20 - 2009/06/21   متخلينيش ...دنيا بلا بيك متحلاليـش جيتك يا البحر غير باش تصبرني ساعه رجعت انا نصبر فيك .. راني حاس بحالك راك غايضني راني حاس بللي راه صاري فيك... مين راح الصيف و جات شتا بقيت وحداني ... الغزلان اليوم كلها جارت عليك... ماشي غي انت يالبحر اللي راك تعاني حتى انا الحكرة هي اللي جابتني ليك ... حتى انا حبيب قلبي راح و عاداني ... و نسـا بللي كان معايا في الحب شريك مازلت نتفكر بللي راح و خلاني و نعطل ف همي يا البحرو في همك نسيك قابض الورقة نكتب و الدمعة فعياني ياللي بكيتي هاد القلب دور دنيا ونبكيك علاه راك تبكي !! خليها كان بغات تروح تروح علاش راك تبكي للي قلبه حديد الولية هي اللي تبكي و تنوح الخالي دارو مازال واقف و صنديد ..صابر لربي مالكري قلبو مجروح ...الخير فاضل و كل يوم كاين جديد وللي بغات تروح معندنا مسموح ...غير تروح...غير تروح و نشوفوها فين توصل و في لا فان نشوفو كيفاش تخلص عليها اللي هربت على الرجال لابد تحصل و تبكي بالدموع على اللي ضاع من يديها الراجل مجاياش يبكي و يحلل ...الخالي دارو عمرو المرأة مايركع ليها بغات تروووح الطريق يفوت جمل و ندعولها دعوة الخير ربي يهنيـها ...... نسا كلامك يا الرايس و سمع الخالي دارو واش قـال علاش هاد البكـا.... خويا واش اللي بيك ...علاش اصاحبي راك تغبن في روحك المرا كي تبكيلها تضحك عليك... المراة ماتبغيش اللي يبكي و يحلل كيفك كونك راجل و ارمي اللي يرميك و ماكانش اللي تبيعك بالرخيص كي تغلي شـانك و بلاك بلاك المراة تشوف الدموع في عينيك عيب باش تبكي على اللي متسواش قدرك وكان بغيت تبكي بكي على اللي تبغيك و ماشي عيب كان بكيت علا اللي بكات على جالك انا عقليتي هاك انا عقليتي هي اللي خلاتني نخليها و الله ماطيح دمعتي على اللي ماتبغينيش وللي بغات تبيعني قبل ماتبيعني نشريهـا و ندير رايي حتى واحد بيه ماعلاباليش انا الحمامة في قلبي مربيها عمرو مانخليها تربي الريش المراة غي يبداو يطوالو جنحيها تنكر الخير و هادي فيها كاع ماتغلبونيش المراة تبغي اللي يدير الشر فيها .. انا درت الخير يا الرايس و الخير في النساء ما خرجنيش اللي خلاتك عندها حق باش تخليك ... اللي يطلق اللجام لازم عودو يهربلو و لوكان سمعت لوصاية زمان كي كنت نوصيك .. ماتوصلش ل وين نوايا اليوم وصلو تبعت قلبك .....شوف قلبك فين يديك يندم جميع اللي يتبع القلب و خلا عقلو و لو صرالك ما صرالي تنسا اللي بيك اللي صرالهم ما صرالي راهم هبلووو... هاملين وحنان عليها و عليك و يحياو الرجال اللي .... مارضاوش في الحب ينذلو عارف بلي باش خلاتك العييب راه فيك انا خبرت الزمان و خبرتك واش النسـا يستاهلو يا الرايس علاش ... وين راك رايح على راسك نGرو عليك النسا باش راك تبكي عليها ماتقوليش مسحور غير حيدها من بالك ماكان لا سحر لا والو قلبك يبغيها ياك عارفها خلاطة عرفت شحال قلبك ..... فاميلتك من الكبار و انت طيحت بناسك باباك المرحوم فحل ماش بحالك و لو مازال في الحياة سميـتك من لكارطة يمحيهـا ...